فيزا شنجن - ٥ أخطاء كبيره إوعى تعملهم هتتسبب في رفضك من فيزة شنجن

إخطاء كبيره سبب للرفض فيزة شنجن

٥ أخطاء كبيره جداً معظم الناس بتعملها و بتسبب في رفضهم من فيزة شنجن ، الحاجات دي مهم جداً لازم تراعيها جداً لما تيجي تقدم على فيزا شنجن علشان ما تتسببش في رفضك

 فيزا شنجن - ٥ أخطاء كبيره إوعى تعملهم هتتسبب في رفضك من فيزة شنجن

١ - إختيار بلد صعب الحصول منها على الفيزا في بسهوله

و دي أهم نقطه و معظم الناس بتقع فيها و هي لما بتيجي تقدم على فيزة شنغن بتروح تقدم في أي سفارة أي بلد هو حاببها و خلاص ، او أي سفاره فيها مواعيد متاحه و خلاص 

رغم إن كلهم دول شنجن ، لاكن لازم تراعي جداً إنك تقدم في السفاره الصح اللي بتدي ديماً الفيز بكل سهوله لو الملف قوي و متظبط جداً ، زي اسبانيا و المانيا و فرنسا و هولندا
و شوف في البوست ده حاجات مهمه جداً لو عملتها هتقوي من نسبة قبولك جداً في التقديم على فيزا شنغن إضغط هنا

 

٢ - ذكر ميعاد السفر بطريقه عشوائيه

و ده يعتبر أكبر غلط معظم الناس بتقع فيه لما بتيجي تفدم على فيزة شنجن ، و هي إنها بتحجز ميعاد و بتقدم إن تاريخ سفرها في أي وقت عشوائي في السنه و خلاص

لازم تكون دارس البلد اللي هتقدم فيها كويس و عارف المواسم السياحيه اللي فيها و بالتالي تقدم إن تاريخ سفرك في المواسم دي عشان تعلى من نسبة قبولك

 و في البوست ده هتلاقي معلومات مهمه بإستفاضه عن النقطه دي إضغط هنا

٣ - عدم توافق أوراق الملف كلها مع بعض

لازم الأوراق اللي هتقدمها في فيزا شنجن تكون كلها متوافقه جداً مع بعض ، من الاتش ار ليتر اللي متقدم او السجل التجاري و البطاقه الضريبيه ، لكشف الحساب البنكي يكون بيعكس و بيأكد حالة الوظيفه اللي متقدمه ، للحجوزات تكون متوافقه جداً مع المبلغ التوتال اللي موجود في الحساب البنكي اللي متقدم

٤ - التقديم كعائله كلها مره واحده و بالأخص بدون وجود سفريات سابقه مع بعض

و ده غلط كبير بيقع فيه الناس اللي بتقدم مع بعض كعائله للحصول على فيزة شنجن ، زي زوج و زوجه بدون أولاد ، او زوج و زوجه بأولاد

و هو إنك تقدم ليكم كلكم و بالأخص لو ما عكمش أي سفريات سابقه مع بعض ، و طبعاً ده أكبر شكوك فنية الهجره و عدم العوده و بالتالي بيتسبب في رفض فيزة شنجن للكل 

٥ - تقديم أوراق مزوره

و ده مش مجرد غلط بيتسبب في الرفض من فيزة شنجن بس ، لا ده كمان سبب إن بيتعملك بلوك من دخول كل دول شنجن فلازم تبعد تماماً عن فكرة تقديم أي أوراق مزوره عند طلب الحصول على فيزا شنجن لان كل حاجه بتتعرف في المراجعه و بيتم رفضك و حظرك من شنجن و ممكن يتعملك قضية تزوير و حبس ، و ده حصل بالفعل مع أكتر من حد

الخلاصه: فيزه شنغن مش مستحيلة، لكن لازم تاخد بالك من كل تفصيلة في ملفك علشان تضمن القبول. تجنب الأخطاء اللي ذكرناها، وقدم أوراقك بشكل احترافي و متناسق. اختيار السفارة الصح، تحديد ميعاد سفر مناسب، و تقديم مستندات صحيحة هيفرقوا معاك بشكل كبير. لو ركزت في التفاصيل دي، فرصتك في الحصول على فيزا شنجن هتكون أعلى بكتير إن شاء الله!