كل ما تريد معرفته عن شهادة التحركات
كتير بيسأل عن شهادة التحركات و إيه هي شهادة التحركات و إيه هي الأوراق المطلوبه لإستخراج شهادة التحركات ؟!
في البوست ده هتتعرف على كل حاجه عن شهادة التحركات و جميع المتطلبات و الأوراق المطلوبه لإستخراج شهادة التحركات بكل سهوله و كمان سعر شهادة التحركات و إزاي استخراج شهادة تحركات في نفس اليوم
 |
| كل ما تريد معرفته عن شهادة التحركات و جميع المتطلبات و الأوراق المطلوبه لإستخراج شهادة التحركات بكل سهوله |
شهادة التحركات هي ورقه بسيطه بتطلعها من الجوازات بيكون مكتوب فيها تحركاتك و سفرياتك خلال مده معينه ، مثلاً شهادة التحركات لدول شنجن بتكون لآخر سبع سنين
و بالتالي لما تيجي تعمل إستخراج شهادة التحركات هيبان فيها لو كنت سافرت قبل كده ولا لا ، و لو كنت سافرت قبل كده هيبان فيها كل سفرياتك
من أين يمكن استخراج شهادة التحركات؟ بالأخص استخراج شهادة تحركات مستعجلة ؟
تقدر تستخرج شهادة التحركات من أي جوازات ، و لكن الأفضل جوازات العباسيه بالقاهره لان فيها خدمة إستخراج شهادة التحركات مستعجل و بتقدر تستلمها في خلال نص ساعه فقط
إيه هي متطلبات إستخراج شهادة التحركات ؟
متطلبات إستخراج شهادة التحركات بسيطه جداً ، فقط صورتين بطاقه و صورة باسبور ( و يبقى معاك البطاقه و الباسبور نفسهم عشان ممكن يشيك عليهم منك )
كام سعر إستخراج شهادة التحركات ؟
سعر إستخراج شهادة التحركات مستعجل هو ١٧٠ جنيه و إستلام شهادة التجركات في خلال نص ساعه
منين أقدر أترجم شهادة التحركات ترجمه معتمده ؟
تقدر تترجم شهادة التحركات ترجمه معتمده من نفس مبنى الجوازات في العباسيه الدور اللي فوقيه
كام سعر ترجمة شهادة التحركات ؟
ترجمة شهادة التحركات في جوازات العباسيه ب ٢٠٠ جنيه و بتستلم الترجمه ونت واقف
ملحوظه مهمه ونت رايح تطلع شهادة التحركات خد معاك قلم عشان مش هتلاقي قلم تكتب بيه هناك
شهادة التحركات ورقة مهمة جداً لو كنت بتقدم على فيزة بعض الدول اللي بتطلبها زي فيزة دول شنجن، وعملية استخراجها سهلة و كل الأوراق المطلوبة. الأفضل تروح جوازات العباسية لو عايزها مستعجل و تستلمها في نفس اليوم. كمان لو محتاج ترجمة شهادة التركات ترجمه معتمدة، تقدر تعملها في نفس المكان بسرعة و بسعر مناسب!